Charles Bronson

Charles Bronson
Bronson in 1966
Kamundagan	Charles Dennis Buchinsky[1] (1921-11-03)Nobyembre 3, 1921 Ehrenfeld, Pennsylvania, U.S.
Kagadanan	Agosto 30, 2003(2003-08-30) (edad 81) Los Angeles, California, U.S.
Dahilan kan kagadanan	Respiratory failure Metastatic lung cancer Chronic obstructive pulmonary disease Congestive cardiomyopathy[2]
Nasyunalidad	American
Etnisidad	Caucasian
Trabaho	Aktor
Mga taon na aktibo	1950–1999
Agom	Harriett Tendler (1949–1965; nagdibursyo) Jill Ireland (1968–1990; pagkagadan ni Ireland) Kim Weeks (1998–2003; pagkagadan niya)
Mga aki	4

Si Charles Bronson (namundag, Charles Dennis Buchinsky; Lituano: Karolis Dionyzas Bučinskis; Nobyembre 3, 1921 – Agosto 30, 2003) sarong Amerikanong aktor sa telebisyon asin pelikula. Parati siya napapel na garo sarong brusko komo sarong pulis na opisyal, pistolero, o vigilante na kun saen naghahanap nin hustisya o sinusurog an sarong naapi. Halawig an pag'iribanan ninda na Michael Winner asin J. Lee Thompson sa paggibong pelikula. ^[3]

Si Bronson namundag Charles Dennis Buchinsky, an ika-11 sa 15ng aki kan pamilyang Katoliko Romano na dugong Lituano sa Ehrenfeld, Pennsylvania. An saiyang ama sarong imigranteng Lituano na sinususog an ginikanan sa Lipka Tatar na iyo an nagtaong guntod na pisngi asin singkit na mata saiya, na naghuna an ibang nagmamasid siya may dugong Indiyan o Mehikano.

An saiyang ama, si Valteris P. Bučinskis (na ngapit inapod an sadiri na Walter Buchinsky mgani magin "Amaerikano" sa tanog), gikan sa Druskininkai sa habagatan nin Lithuania. An ina ni Bronson, si Mary Valinsky, na an mga magurang haling Lithuania, namundag sa banwaan minahan nin coal nin Tamaqua, Pennsylvania. Nakanood sana siyang magtaram nin Ingles kan siya barobata na. Bago kaiyan, tinataram niya Ruso asin Lituano. ^[4]

Enot niyang naagom iyo si Harriet Tendler kan 1949. Nagkaigwa sindang duwang aki, alagad kan 1965 sinda nagdibursyo. Sunod na naagom niya iyo si Jill Ireland kan taon 1968 na kun kiisay siya halawig nagsaro hanggan si Ireland magadan kan 1990. Igdi sa huri nagkaigwa siya nin duwang aki, manta si Ireland may aki man na tolo sa enot niyang kasal.^[5] Ikatolo niyang naagom iyo si Kim Weeks na sinaroan niya sagkod na siya nagadan kan 2003.

Kan pumutok an Ikaduwang Gerang Pankinaban, si Bronson nagsirbe sa Pwersa Armada kan Estados Unidos asin pakatapos kan gera, kan taon 1951 siya nakasikwit nin menor na papel sa pelikulang You're in the Navy Now. Ini an pinakaenot niyang pagtapsok sa kinaban nin pelikula asin poon kaidto dagos-dagos na an karera niya sa industriyang ini hanggan taon 1999. .^[6]

1. ↑ "A classic immigrant success story - Charles Bronson". The Lithuania Tribune. January 23, 2013. http://www.lithuaniatribune.com/27386/a-classic-migrant-success-story-charles-bronson-201327386. Retrieved on 2014-07-11. 
2. ↑ Death Certificate for Charles Bronson, autopsyfiles.org; accessed November 12, 2016.
3. ↑ [1]www.nytimes.com. Kinua 07-31-17
4. ↑ [2]www.imdb.com. Kinua 08-01-17
5. ↑ [3]www.imdb.com. Kinua 08-01-17
6. ↑ [4]www.imdb.com. Kinua 08-01-17